Kultura Live Lab: Musika Aretoen Nazioarteko Jardunaldia

Kultura Livek, Euskal Herriko Zuzeneko Musika Areto Pribatuen elkartea, Kultura Live Lab ekimena sortu du sektorearen inguruko mahai inguru, mintegi eta lanabesak bultzatzeko asmoarekin.

Zuzeneko musika aretoen lan-dinamikan profesionaltasuna bultzatu eta aurrera egiteko apustua sendotzeko Nazioarteko Zuzeneko Musika Aretoen Jardunaldia antolatu dugu. Jardunaldi honen bitartez Live DMA elkartearen lan dinamika, Creative Europe ekimena, Europako zuzeneko musika aretoen sarea osatzeko oinarriak, eta zuzeneko musika aretoen datu baseak aurrera eramateko dinamikak ezagutuko ditugu.

Horretarako, Europako Live DMA elkarteko Audrey Guerre (koordinatzailea) eta Arne Dee (datu baseak osatzeko Live DMA survey programaren koordinatzailea) gonbidatu ditugu. Haiekin batera Creative Europe ekimena ezagutzeko Ainhoa González Sanchiz (Creative Europe Desk Media Euskadi) izango dugu.

Ekainak 6 asteartea
Dabadaba aretoa, Donostia
Ordutegia: 09:30 – 14:00

Gonbidatuak
Audrey Guerre (Live DMA, Nantes)
Arne Dee (Live DMA & VNPF, Amsterdam)
Ainhoa González Sanchiz (Creative Europe Desk Media Euskadi)

Egitaraua
Live DMA proiektuaren aurkezpena
Europako Zuzeneko Musika aretoen arteko sarea
Creative Europe
Live DMA survey program: zuzeneko musika aretoen datu baseak osatzeko dinamikak

Antolatzailea
Kultura Live

Gonbidapenak info@kulturalive.com helbidean eskatu behar dira.

Argazkia

WOVENHAND, CRACKER, PILT, ANESTESIA, REVEREND PEYTON’S BIG DANM BAND, ZEN GARDEN, DEDO, BOMBINO, etab. KULTURA LIVE ZIRKUITUAren LEHENDABIZIKO EDIZIOAN

2017ko maiatzean Kultura Live elkarteak Kultura Live Zirkuitua abiatuko du. Zirkuitu honi esker Kultura Live osatzen duten aretoen arteko kalitatezko kontzertu zirkuitu dinamikoa bultzatu nahi da.

Maiatzean zehar Euskal Herriko areto ezberdinetan antolatuko diren kontzertuek osatuko dute Kultura Live Zirkuitua. Hauek dira ekimen honetan parte hartuko duten aretoak: Kafe Antzokia, Hell Dorado, Fever-Santana 27, Beikozini, Bermeoko Kafe Antzokia, Atabal, Tunk!, Dabadaba, Le Bukowski, Doka, Zentral Kafe Teatro, Totem aretoa, Bilbaína Jazz Club, Sala Noboo eta Plateruena.

Zirkuitu honi esker zuzeneko musika aretoek aurkitzen diren hirietako, herrietako eta auzoetako ekonomian duten eragina nabarmentzea bilatzen dugu. Ekosistema hauetako giza eta kultur jardueran aurrera egiten laguntzen duten programazioak eskaintzen dituzte zuzeneko musika aretoetako ekitaldiek eta lan hori gizarteratzea nahi dugu.

2017an lehen aldiz egingo dugun Kultura Live Zirkuitua etorkizunean Euskal Herriko zuzeneko musika profesionalaren eszenan erreferente bat izatea nahi dugu.

Kultura Live elkartean Araba, Bizkaia, Gipuzkoa, Lapurdi eta Nafarroa probintzietako zuzeneko musika areto profesionalak aurkitzen dira. Areto hauek urtero mila ekitaldi baino gehiago antolatzen dituzte eta 10.000 pertsonendako aforoa gainditzen dute.

Kultura Live Zirkuituaren agenda osoa:

Maiatzak 03 asteazkena

WOVENHAND + JAMES ROOM & WEIRD ANTIQUA

20:00, 20/24€

Fever-Santana 27 ,Bilbo

Maiatzak 06 larunbata

CRACKER + MARAH

21:00, 25€ Kafe Antzokia, Bilbo

ANESTESIA + LEGEN BELTZA

20:00, 8/10€

Doka, Donostia

PILT + CANDIDATO MANCHÚ

21:00, 12/15€

Sala Totem aretoa, Atarrabia

Maiatzak 7 igandea

JON GURRUTXAGA & KEU AGIRRETXEA

Aperitif Session

13:00, 3€

Plateruena, Durango

Maiatzak 12 ostirala

ZEN GARDEN

21:30, 15/20€

Sala Noboo, Tutera

Maiatzak 13 larunbata

SHERPA + SAKEO

20:30, 10/12€

Tunk aretoa, Irun

REVEREND PEYTON´S BIG DANM BAND + MOONSHINE WAGON

22:00, 13/15/18€

Hell Dorado, Gasteiz

DEDO

20:00

Bermeoko Kafe Antzokia, Bermeo

Maiatzak 14 Igandea

BOMBINO

20:00, 14/16/20€

Dabadaba, Donostia

Maiatzak 19 ostirala

HELLFEST WARM UP TOUR 2017 : One Hell of a Ride

Showtime + If Renaud Was a Punk + Iron Fist +Leather Priest + dj Mick Rock

20:00, 9/12€

Atabal, Biarritz

SATXA SORIAZU 4tet

20:30, 5€

Sala La Bodega, Bilbo

JOHNNY CASINO + PETTI

20:00, 8/10€

Le Bukowski, Donostia

Miércoles 24 de mayo

THE ROSSY VIVES QUINTET

Iruña Jazz Festival

20:00, 22/25/36€

Zentral Kafe Teatro, Iruñea

Viernes 26 de mayo

MIKEL URDANGARIN

23:00, 10€

Bekozini, Ondarroa

Bombinoren argazki nagusia: Mads Maurstad

The Dictators NYC, Euskal Herrian

The Dictators NYC, rock eta punk-rock eszenako talde garrantzitsuenetakoa, Euskal Herrira itzuliko da Kultura Live elkarteko kide diren hainbat aretotan kontzertuak eskaintzeko: Dabadaba (apirilak 13), Kafe Antzokia (apirilak 21), Hell Dorado (apirilak 22) eta Zentral (apirilak 26).

New Yorken 1973an sortutako taldeak 1975ean argitaratu zuen ‘The Dictators Go Girl Crazy!’ lehendabiziko diskoa. Gaur egun MC5 eta The Stooges bezalako taldeekin batera AEBko punk rock talde garrantzitsuenetakoa da.

Bere ibilbidean zehar hainbat geldialdi, taldekide aldaketa eta eskubide arazoak izan baditu ere 2014an eta 2015an egin zituzten bezalako bira arrakastatsuak egiten jarraitzen dute.

Apirilaren 13tik aurrera ‘Stay with me’ edo ‘Who will save rock and roll’ bezalako klasikoak zuzenean entzuteko aukera berri bat izango dugu Euskal Herrian egingo duten birari esker.

The Dictators NYC, Euskal Herrian:

Apirilak 13 Donostia, Dabadaba

Apirilak 21 Bilbo, Kafe Antzokia

Apirilak 22 Gasteiz, Hell Dorado

Apirilak 26 Iruñea, Zentral

Beltza Weekend jaialdiak soul eta R&B onenaz beteko du Iruñea

Musika beltza ardatz izanen duen Beltza Weekend jaialdiaren lehen edizioa heldu den irailaren 28, 29 eta 30ean eginen da Iruñean. Estreinako hitzordu honetan soul eta rhythm&blues estiloetan oinarritutako kontzertu sorta dotore eta askotarikoa izanen dugu gozagai eta musika beltzeko disko jartzailerik onenak ekarriko ditugu hirira. Zuzeneko emanaldiak Zentral aretoan izanen dira eta egitaraua nazioarteko taldeekin osatuko da. Bien bitartean, disko jartzaileen saioak Alde Zaharreko hainbat tabernatan eginen dira. Beltza Weekend irauteko asmoarekin jaio da. Aurki kartela osatuko duten lehen taldeak jakinaraziko ditugu.

Musika beltzean espezializatutako Gautxoriak Soul Club eta Shakin’ Brothers kolektibo iruindarrek indarrak batu dituzte Beltza Weekend jaialdia sortzeko Zentral aretoarekin elkarlanean. Helburua hauxe: Musika eta kultura beltzaren soinu-oihal eta espresiobide zenbait Iruñera asteburu luze batez ekartzea (hortik jaialdiaren izena): Soul eta R&B-etik (funk eta bluesa zaku zabal honetan sartuko ditugu) ska eta rocksteady jamaikarreraino, rock and roll beltza bazter utzi gabe. Eta, noski, jazza bere alderdi dantzagarrienean, alegia, klub eta organ-groove zaporedun jazza. Edonola ere, jaialdia aipatutako estiloen jatorriari so jaio da, hau da, joan sen mendeko 50, 60 eta 70etako hamarkadei begira, nahiz eta ez duen, inondik inora, hitzordu “revival”-zalea izateko inongo asmorik.

Kontzertuen egitaraua, aurki jakinaraziko duguna, Zentral aretoarekin elkarlanean osatu da. Izan ere, Zentral izanen da zuzeneko emanaldien epizentroa. Halaber, asteburu osoan zehar –ostegunetik larunbatera– hainbat jai eta saio egingo dira musika beltzeko disko-aukeratzaile onenen eskutik. Horien artean, nabarmentzekoak izanen dira jaialdiaren beste bi egoitzatan eginen direnak: La Urbana eta Nebula tabernetan, hain zuzen ere, Zentralen bertan eginen den saio berezia ahaztu gabe. Eta adi, izan ere larunbatean eguerditik hasita iluntzera arte musika egonen baita: hiriko hainbat txokotan aldi berean eginen den alldayer-a. Saio guztiak biniloarekin eginen dira.Aurki itxitako lehen taldeen izenak jakinaraziko dizkizuegu eta detaile gehiago emanen ditugu festei, disko jartzaileen saioei eta prestatzen ari garen jarduera paraleloei buruz.

Dabadabaren hirugarren urteurrena

Donostiako Dabadaba aretoak hirugarren urtemuga ospatuko du apirilaren 1ean egingo duen festarekin. 700 taldetik gora eta 200 dj baino gehiago igaro dira bere estenatokitik 2014Ko martxoaren 29an ateak ireki zituenetik.

Larunbatean  Rrucculla, Cecilio G, Ten Bears, Alvva, Telmo Trenor eta Dabadaba dj-ak arduratuko dira uretebetetze festa behar bezala ospatzeaz.

Sarrerak hemen erosi ditzakezu.

Love Of Lesbian Bilbon eta Atarrabian, asteburuan

Love Of Lesbian taldearen ‘El poeta Halley’ Bilbora eta Atarrabiara iritsiko da asteburuan. Martxoaren 31an Santana 27 / Fever aretoan eta apirilaren 1ean Totem aretoan izango dira.

13 abestik eta 15 ilustraziok, Sergio Morak sortuak, osatutako disko liburua da ‘El poeta Halley’ (Warner, 2016), Kataluniako taldearen zortzigarren diskoa. David Bowie bezalako musikarien eragina erakusten duen indie-pop doinuak betetzen du lan hauk eta 2016ko martxoan argitaratu zutenetik zuzenean aurkezten ari dira.

Formatu handiko hainbat jaialditan aritu ostean aretoetan aurkezten dihardute. Bilbon eta Atarrabian izango du Halley poetak hurrengo geltokia.

Zipren ospatuko den STAMP PROJECT mintegian parte hartuko du Plateruenak

Plateruena

Durangoko Plateruenak, Kultura Live elkarteko bazkidea eta aldi berean Europako Live DMA elkarteko bazkidea, Europako Musika Kontseiluak bultzatutako STAMP PROJECT ekimenean parte hartuko du.

Europako herrialde ezberdinetan musikaren sektorean formakuntza profesionala eta joera enpresarialak bultzatzeko lanabesak sortzeko proiektua da STAMP PROJECT.

Zipreko Nikosia hirian apirilaren 28an eta 29an burutuko den mintegian Live DMA elkartearen ordezkaritza lanak egingo dituzte Plateruenak (Kultura Live) eta VNPF elkarteak (Holandako musika areto eta jaialdien elkartea).

Ekintzailetza, jaialdi eta ekitaldien antolakuntza, audientzien garapena, integrazio soziala, sare lanak eta nazioarteko kooperazioa izango dira jorratuko diren gai nagusiak.

Parte hartzaileek Europa mailako kontaktuak landu, kontaktu berriak sortu, giza garapenean aurrera egin eta herramienta digital berriak ezagutuko dituzte.

Kultura Live 2015an bilakatu zen Live DMA Europako Musika Aretoen eta Musika Jaialdien elkartearen bazkide. Etxepare Institutuarekin elkarlanean.

IRUÑA JAZZ FESTIVAL, ZENTRAL ARETOAN

Otsailetik abuztura ospatuko den Iruña Jazz Festival jaialdiaren lehendabiziko edizioa burutuko du Zentral aretoak. Jazz musika protagonista izango duen proiektu honetan bertoko nahiz nazioarteko taldeek parte hartuko dute.

Iruñeako eszena kulturala jazz musikarekin osatzeko helburua du programa honek. Urte osoan zehar burutuko da eta Zentral aretoa izango da kontzertuak ospatuko diren tokia. Honela, musikaz gozatzeko giro berezia eskainiko du horretarako mahaiak eta eserlekuak kokatuaz. Emanaldiak zutik nahiz eserita ikusteko aukera egongo da.

Kontzertua burutzen den bitartean aretoko palkoa egokitu, musika eta gastronomia uztartu eta bertan afaltzeko aukera egongo da.

Programazioa:

Otsailak 22 asteazkena, 20:00etan AURKEZPEN FESTA: EVA FERNÁNDEZ GROUP

Otsailak 26 igandea, 19:00etan IGELAREN BANDA

Martxoak 9 osteguna, 20:30etan MARCELO ESCRICH SILENT TRÍO

Martxoak 21 asteartea, 20:00etan BIG BAND CSMN

Apirilak 2 igandea, 19:00etan BALDO MARTÍNEZ CUARTETO EUROPA

Apirilak 6 osteguna, 20:00etan M.A.P

Maiatzak 24 asteazkena, 20:00etan THE ROSSY VIBES QUINTET

Maiatzak 27 larunbata, 19:00etan JAZZ&SWING NIGHT CON LE DANCING PEPA

Ekainak 8 osteguna, 20:00etan MIKEL GAZTELURRUTIA

Iruña Jazz Fest

Dabadabak Elsa records zigilua kaleratu du

Dabadaba aretoak Elsa records diskoetxea martxan jarri du eta Bilboko VULK taldea izango da lehendabiziko erreferentzia.

‘Zaldia burning’ da VULK taldearen ‘Beat Kamerlanden’ lehendabiziko diskoaren aurrerapen kantua. Joan den urtarrilaren 27an Bilboko Kafe Antzokian aurkeztu zuten Señores taldearekin batera.

Dabadabak bidali duen oharrak dioenez ‘Vulk laban zorrotza bezalakoa da zuzenean. Ondo koizpeztutako soinu sendoa duen makina martzial baten gainean barruraino sartzen zaizun ahotsa aurkezten dute’.

Zorterik onena opa diegu proiektu berri honekin. Dabadaba aretoaren agenda esteka honetan begiratu dezakezu.

10. urtemuga web orrialde berriarekin hasi du Doka kafe antzokiak

Urte berezia hasi du Donostiako Dokak. 2017an 10 urte beteko dira aretoak ateak ireki zituenetik. Ospakizunak urte osoan zehar banatuko dituzte baina dagoeneko web orrialde berria aurkeztu dute. Agendaz eta aretoaren informazioaz gain sarrerak on line erosteko aurkera eskaintzen du web orrialdeak.

Denboraldi berriari hasiera emateko Antigua auzoko jaietan murgildu eta programazio sendoa osatu dute astebururako: Kaotiko, Últimos Reyes, Maddi Oihenart & Sakahots Orkesta, Bihozkada, Mikel Karton, Oihu eta Herenegun bezalako taldeak igaroko dira Dokatik.

Zorionak!

Jarri zaitez gurekin kontatuan