Bienvenid@ a nuestra sección de noticias

KULTURA LIVE BERRIAK

Ver Noticias

COVID19aren aurkako neurriak

COVID19aren aurkako neurri gisa, Kultura Live elkarteko kideek datozen asteetarako iragarrita zituzten kontzertuak bertan behera uztea erabaki dute. Aretoak istera behartzen duen dekretu ofiziala jaso aurretik hartu dute neurri hau bertako langileen eta bezeroen osasuna eta segurtasuna bermatzeko.

Kultura Live elkarteko kideak kontzertu horiek antolatzeko data berrien bila ari dira eta erositako sarrerak ohiko bideetatik itzuliko dira.

Egoeran jarraipena egiteko. EHMBE elkarteko kideekin, Eusko Jaurlaritzako sail ezberdinekin eta Live DMA elkarteko kolaboratzaileekin harremanetan gaude.

Azkena Rock Jaialdiaren Rock Party banden lehia, Hell Dorado aretoan

Martxoaren 7an, larunbata, Gasteizko Hell Dorado aretoak Azkena Rock Jaialdiak bultzatutako Rock Party banden lehiaren semifinaletako bat hartuko du.

Ghost Number, John Dealer & The Coconuts eta Walnut dira bertan parte hartuko duten taldeak.

Kontzertu honetara joateko sarrera doakoa da eta gonbidapena esteka honetan eskuratu daiteke.

Sei talde iritsiko dira Madrileko Sala Sol aretoan egingo duten finalera. Irabazleak 2020ko Azkena Rock Jaialdian jotzeko aukera izango du.

 

 

115 zuzeneko musika areto, Open Club Day proiektuaren hirugarren edizioan

Live DMA elkarteak antolatzen duen Open Club Day ekimenaren hirugarren edizioa egingo da datorren otsailaren 1ean.

Guztira Europa osoko 115 zuzeneko musika aretok parte hartuko dute. Azpeitiako Sanagustin aretoa izango da Euskal Herriko ordezkaria.

2020ko edizioan Estonia, Italia, Danimarka, Islandia edo Hungaria bezalako herrialdeetako musika aretoak batu dira egunez egiten den proiektu honetara.

Open Club Day-ren helburuak zuzeneko musika aretoek egiten duten lana gizarteratzea eta balioan jartzea dira.

Zuzeneko musika aretoak bere komunitateko kultur eragile dinamikoak dira, bere entzuleak babesten dituzte eta artisten garapen artistikoa bideratzen dute. Horretaz gain enplegua sortzen dute. Zuzeneko musika-aretoek zuzeneko musikaren balio ekonomiko, sozial eta kulturalak bultzatzen dituzte.

Open Club Dayn parte hartuko duten aretoetako eszenatokietan ekitaldi ugari antolatuko dira: tailerrak, soinu froga irekiak, erakusketak, hitzaldiak, etab. Denok ongi etorriak zarete Open Club Day-n!

Sanagustin eta Dabadaba aretoak, Open Club Day ekimenaren bigarren edizioan

Europa osoko 120 zuzeneko musika areto baino gehiagok parte hartuko dute otsailaren 2an egingo den Open Club Day ekimenean. Kultura Live elkartea Dabadaba eta Sanagustin aretoek ordezkatuko dute.

#Openclubday proiektuari esker zuzeneko musika aretoetan egiten den lana herritarrei gerturatzeko asmoa duten ekimen ezberdinak antolatuko dira. Zuzeneko musika ere ez da faltako!

Open Club Day Live DMA elkarteak bultzatutako ekimena da.

16 urtetik beherakoak Nafarroako musika aretoetan sartu ahal izango dira

Kultura Live elkarteak 2018ko urriaren 16an Nafarroako Parlamentuan egindako eskariak aurrera egin du eta 16 urtetik beherakoak Nafarroako dantzaleku, diskoteka eta antzekoetan sartu ahal izango dira zuzeneko musika emanaldiak daudenean.

2019ko urtarrilaren 11an Parlamentuko Osoko Bilkurak Nafarroako Kultur Eskubideei buruzko Foru Legea onetsi zuen.

16 urtetik beherakoak dantzaleku, diskoteka eta antzekoetan sartu ahalko direla ere onartu zuen zuzeneko emanaldiak daudenean. “Beren guraso edo tutoreekin sartu beharko dira, eta emanaldia amaitzen denean adingabeak ezin izanen dira establezimenduan geratu”. Hala, “adingabeek kulturarako duten eskubidearen eta haien babesa segurtatzeko betebeharraren artean behar den oreka bermatu” nahi da. Talde eta elkarte guztiek sinatu duten zuzenketa horren ondorioz aldatu eginen da martxoaren 13ko 2/1989 Foru Legearen 10. artikuluaren 5.a) apartatua.

Kultura Livek Eusko Jaurlaritzako Joko eta Ikuskizunak sailarekin lanean jarraitzen du aldaketa hau Bizkaiako, Arabako eta Gipuzkoako zuzeneko musika aretoetan gauzatzeko.

Hemendik Queremos Entrar elkarteak eskainitako laguntza eskertu nahi dugu.

Giante taldeak irabazi du Bilbao Hiria 30. Pop Rock Lehiaketako Kultura Live saria

Gasteizko Giante taldeak irabazi du Bilbao Hiria 30. Pop Rock Lehiaketako Kultura Live saria eta abenduaren 9an Iruneko Tunk Aretoan aurkeztuko du This Is Fine.

Musika talde berriei laguntzeko asmoarekin sortutako saria da hau. Honi esker Kultura Live elkarteak talde saridunari bere probintziatik kanpo dagoen elkarteko areto batean kontzertua antolatu dio.

Giante post hardcore doinuak lantzen dituen talde gasteiztarra da. 2018an argitaratutako This Is Fine aurkezten ari da. Zuzeneko indartsua duen talde baten aurrean gaude.

Kultura Livek ekimen hau aurrera eramateko Bilboko Gazteria sailak emandako babesa eskertu nahi du.

 

MUSIK ON 2018

Ferenc Nemeth Band, Endless Boogie, Butarock (Euphoric, Anónimos, Hyronika) Dorian, Kaydy Cain, El Gran Wyoming & Los Insolventes, Elefantes, The Hi-Risers, The Swingin’ Neckbrakers, Charlie Winston, Naya, Jabier Muguruza, Bilboloop’ 18 (Le Boom, Dama Scout, Cecilia Payne), Villagers, Taburete, Buffalo, American Band, Perfect World, Midnight Road, Liv Wallace eta Chamán, MUSIK ON, Musika Aretoen Asteburua ekimenaren hirugarren edizioan.

Azaroaren 15etik 18ra KULTURA LIVE elkarteko kideak diren aretoek MUSIK ON, Musika Aretoen Asteburua ospatuko dute.

Aurreko edizioetan bezala zuzeneko musika areto profesionalek urtean zehar egiten duten lana nabarmendu nahi da proiektu honekin.

2017ko azaroaren 23tik 26ra egin zen MUSIK ON, Musika Aretoen Asteburua’-ren bigarren edizioan 7.426 ikus-entzule bildu ziren antolatutako 25 kontzertuetan.

Proiektu honekin urte osoan zehar Kultura Liven hamargarren urteurrena ospatzeko antolatu diren ekimenekin amaituko dugu: Kultura Live Zirkuituaren bigarren edizioa, Live DMA elkartearen Batzar Nagusia, eta BIME PRO 2018n antolatutako hitzaldiak, besteak beste.

MUSIK ON 2018

AZAROAK 15 

 

FERENC NEMETH BAND

BILBAÍNA JAZZ CLUB

BILBO

 

RENDEZ VOUS + STRUCTURES

LE MAGNETO

BAIONA

 

ENDLESS BOOGIE

DABADABA

DONOSTIA

 

DORIAN

KAFE ANTZOKIA

BILBO

 

AZAROAK 16

 

KUTXI ROMERO eta VUELO 505

DOKA ANTZOKIA

DONOSTIA

 

SUNGRAZE + ORIGINALLY NOWHERE

LE MAGNETO

BAIONA

 

Fiesta BUTAROCK

EUPHORIC + ANÓNIMOS + HYRONIKA

TUNK ARETOA

IRUN

 

KAYDY CAIN

DABADABA

DONOSTIA

 

VILLAGERS

ATABAL

BIARRITZ

 

EL GRAN WYOMING & LOS INSOLVENTES

KAFE ANTZOKIA

BILBO

 

DORIAN

ZENTRAL KAFE ANTZOKIA

IRUÑEA

 

AZAROAK 17 

 

LIV WALLACE

TOTEM ARETOA

ATARRABIA

 

CHAMÁN

INDARA

IRUÑEA

 

Bilboloop 2018

LE BOOM + DAMA SCOUT + CECILIA PAYNE

KAFE ANTZOKIA

BILBO

 

THE HI-RISERS + THE SWINGIN´ NECKBRAKERS

HELL DORADO

GASTEIZ

 

TABURETE

ZENTRAL KAFE ANTZOKIA

IRUÑEA

 

ELEFANTES

DABADABA

DONOSTIA

 

CHARLIE WINSTON  + NAYA

ATABAL

BIARRITZ

 

AMERICAN BAND + PERFECT WORLD + MIDNIGHT ROAD

SANTANA 27 / FEVER

BILBO

 

 

AZAROAK 18 

 

JABIER MUGURUZA

BEIKOZINI

ONDARROA

 

VILLAGERS

KAFE ANTZOKIA

BILBO

 

BUFFALO

SAN AGUSTIN

AZPEITIA

LIVE DMA ELKARTEAREN BATZAR NAGUSI ARRAKASTATSUA ANTOLATU GENUEN EKAINEAN BILBON

Ekainaren hasieran Kultura Live Live DMA Europako zuzeneko musika areto eta musika jaialdien elkartearen Batzar Nagusia antolatzeaz arduratu ginen.

Lehen aldiz Europa osoko 2.500 musika areto eta jaialdi ordezkatzen dituzten 18 elkarteak bildu ziren Kafe Antzokiko jardunaldietan. Euskal Herriko zuzeneko musikarentzat mugarri garrantzitsua.

Elkarte bakoitzak etorkizunera begira dituen erronkak aurkeztu zituen eta egunerokoan ditugun esperientziak eta zailtasunak partekatu genituen.

Kultura Livetik Joko eta Ikuskizunak sailaren adingabekoen legearekin dugun arazoa aurkeztu genuen. Gaur egun adingabekoak ezin dira gauez zuzeneko musika aretotan kontzertuak ikustera sartu eta hori aldatzeko sortu dugun proiektuaz hitz egin genuen. Legea aldatzeko konpromisoa eskatu diegu instituzioei eta aldaketa hori gauzatu arte lanean jarraituko dugu.

Live DMAk #LiveStyleEurope proiektuaren lehendabiziko edizioaren ondorioak aurkeztu zituen eta bigarren edizioaren norabidea adostu genuen.

Batzar Nagusian Euskal Herriko Musika Bulegoaren babesa ere izan genuen. Basque Music Showcase antolatu zuen Gatibu eta Atom Rhumba taldeen emanaldiekin. Instituzioetako eta musikaren sektoreko lagun ugari bildu ziren Kafe Antzokia bete zuen emanaldian.

Kultura Live elkartearen X.urtemuga

Live DMA elkartearen Batzar Nagusia Kultura Live elkarteak X. urteurrena ospatzeko antolatutako ekitaldien baitan aurkitzen da. Ospakizun hauek 2018ko maiatzean hasi ziren Kultura Live Zirkuituaren bigarren edizioarekin eta udazkenean egingo diren Kultura Live Lab eta Musik On ekimenekin jarraituko dute. Aurten lehen aldiz BIMErekin elkarlanean zuzeneko musika aretoei buruzko bi jardunaldi ere antolatuko ditugu.

2.929 parte-hartzaile, Kultura Live Zirkuituaren bigarren edizioan

Kultura Live elkarteak Kultura Live Zirkuituaren bigarren edizioa antolatu zuen maiatzean. Proiektu honi esker zuzeneko musika areto pribatuek urtean zehar egiten duten lana eta lan honek gizartean, ekonomian eta kulturan duen eragina nabarmendu nahi da.

Guztira 2.929 ikus-entzulek parte hartu zuten Kultura Live Zirkuituaren bigarren edizioan.

Hauek dira zirkuituan parte hartu zuten proiektu batzuk: Ainara Legardon, Hatxe, Monster Magnet, M.Ward, Cycle, Non Servium, King Khan & The Shrines, Gatillazo, Buffalo, Willie Nile & Band, Eri Yamamoto Trio, Furyo, The Creepy Tones, Masterplan, Skeletoon, Dark Embrace, Taken, Los Tupper, Kuve, Villanueva, Virenque, The Neatbeats, Lie Detectors, The Inductions, The Northagirres, Kepa, Vinny Appice, Mob Rules, etab.

Musika areto pribatuei dagokionez hauek parte hartu zuten: Indara, Le Magneto, Kafe Antzokia, Hell Dorado, Fever/Santana 27, Beikozini, Bermeoko Kafe Antzokia, Atabal, Tunk!, Dabadaba, Le Bukowski, Doka, Zentral Kafe Teatro, Bilbaína Jazz Club, San Agustin eta Plateruena.

Areto hauek urtean zehar antolatzen dituzten ekitaldiek bere auzoetako, herrietako eta hirietako ekosistema kulturala eta soziala aberasteko balio dute. Kultura Live elkarteak lan hori gizarteratu nahi du Kultura Live Zirkuitua proiektuarekin. Honi esker areto horietako askok ohikoak ez diren proposamenak programatzeko aukera dute.

Argazkia: M. Ward, Sanagustin kulturgunean. Argazkilaria: Alberto Beloki.

Primavera Pro 2018: musika aretoen nazioarteko kongresua

2018ko ekainaren 1ean ASACC, Live DMA eta Liveeurope elkarteek Primavera Pro topaketan urtero antolatzen duten musika aretoen nazioarteko kongresuan izan zen Kultura Live.

Egun osoan zehar burututako jardunaldian panel hauek landu ziren (gazteleraz):

Music Moves Europe: el futuro de la inversión en el sector en el ámbito de la Unión Europea, Clubbing en Europa: Quo Vadis, Iniciativas contra la violencia sexual en locales europeos, Entender el papel de las salas underground en Europa eta Las salas de conciertos como hubs para la innovación social.

Hau da egun osoan zehar entzundakoaren laburpena:

Musikak balore ekonomikoan eta giza baloreetan duen presentziak eragin nabarmena izan du sormen industrien hazkundean.

Komunikabideetan beti musika bera entzuten da. Musika Anglosaxoia totiko musikari gailentzen zaio eta hori aldatzeko bideak landu behar dira.

Gentrifikazioaren eragina. Aretoen alokairuaren prezioa igotzeak horietako askok ateak itxi edo tokiz aldatzea eragin du. Erdigunetik kanpoaldera mugitu dituzte areto asko. Turismoak arazo honetan duen eragina neurtu behar da eta instituzioek arazoa konpontzeko neurriak hartu behar dituzte.

Askotan musika denbora-pasa bezala ulertzen dute tokiko agintariek eta hori baino gehiago dela gogorarazi behar zaie.

Bartzelonan abian jarritako ‘No Callem’ ekimena eta Europako beste herrialde batzuetan martxan jarritako ekimenak errefente bezala erabili behar dira. Areto eta jaialdietako langileen formakuntza ezinbestekoa da.

Aretoek berrikuntza proiektuak bultzatu behar dituzte publiko berrietara heltzeko, bizilagunak gerturatzako eta ohiko publikoa sendotzeko. Publikoa, musikariak eta aretoak batuko dituzten proiektuak izan behar dute.

Argazkia: ‘Clubbing in Europe’ panela: Cora Novoa, Pamela Schobess, Olaf Boswijk

Argazkiaren iturria: Primavera Pro