Kultura Live, Euskal Herriko musika areto pribatuen elkartea, 2016an hasi zen adingabekoak musika aretoetara kontzertuak ikustera joan ahal izateko legearen aldaketa bultzatzeko ekinean.
Gaur egun Joko eta Ikuskizunei buruzko araudiak ez die uzten adingabekoeigaueko hamarretatik aurrera zuzeneko musika aretoetara gerturatzen. Nahiz eta haien guraso edo tutore legalak lagunduta egon.
Kultura Live elkartetik adingabekoak musika aretoetara joan ahal izateko ondoko aldaketak eskatzen ditugu:
19. Artikulua 2. c
Adingabeak dantzalekuetan, dantza-aretoetan eta diskoteketan sartzea eta egotea, kalterik eragin gabe adingabeentzako saioak egiteko baimena duten dantza-areto edo diskotekei buruz edota gazte-aretoei buruz xedatutakoari. Ondoko salbuespenarekin: zuzeneko musika emanaldiak antolatzen direnean hamasei urtetik beherakoak bere guraso edo tutore legala lagunduta joan beharko dira.
Kontzertua amaitzean aretoa utzi beharko dute.
19. Artikulua 2. d
Hamasei urtetik beherakoak taberna berezietan, pub eta disko-tabernetan sartzea eta egotea, salbu adin nagusikoekin daudenean, alkoholik kontsumitu barik eta 22:00ak arte. Ondoko salbuespenarekin: zuzeneko musika emanaldiak daudenean gurasoek edo tutore legalak lagunduta egon ahal izango dira beti ere kontzertua amaitu bitartean.
Horretaz gain adingabekoak zuzeneko emanaldia dagoen bitartean identifikatuta egotea ere eskatzen dugu. Adibidez eskumuturreko batzuekin.
Guztion artean legea aldatu edo moldatzea espero dugu adingabekoek zuzeneko musikaz helduek ditugun aukera berdinekin gozatzeko aukera izateko.
Prozesu honetan Queremos Entrar elkarteak eta bereziki Almudena Palaciosek eskainitako laguntza eskertu nahi dugu.
Argazkia: Pawl Downey Lizentzia: CC BY 2.0